ანტიმიკრობული რეზისტენტობის კონტროლი მეცხოველეობასა და მეფრინველეობაში

მეცხოველეობისა და მეფრინველეობაში მომუშავე მწარმოებლები მნიშვნელოვან როლს ასრულებენ ანტიმიკრობული რეზისტენტობის განვითარებისა და გავრცელების შემცირებაში. დანერგეთ ეს პრაქტიკა ცხოველების, ფერმის თანამშრომლების, საზოგადოებისა და ჩვენი საკვები პროდუქტების უსაფრთხოების დასაცავად.

მჭიდროდ ითანამშრომლეთ თქვენს ვეტერინართან

• დაავადებული ცხოველების სამკურნალოდ და/ან კონტროლისა თუ პრევენციისთვის ხშირად დაუკავშირდით თქვენს ვეტერინარს, რომელიც გადაწყვეტს, როდის არის საჭირო ანტიბიოტიკები და სოკოს საწინააღმდეგო საშუალებები და დანიშნავს ყველაზე შესაფერის პრეპარატს
• მოითხოვეთ სპეციფიკური რჩევა რეზისტენტული ინფექციების პრევენციასთან დაკავშირებით თქვენი ფერმის ზომის, ცხოველთა სახეობებისა და გარემოს გათვალისწინებით.

შეინარჩუნეთ ცხოველების ჯანმრთელობა

• დაიცავით კარგი სასოფლო-სამეურნეო პრაქტიკა და დანერგეთ  ბიოუსაფრთხოების პრაქტიკა— დაავადებებების შეტანისა და გავრცელების პრევენციის ტექნიკა, მათ შორის დასუფთავების პროცედურები — ფერმაში, ტრანსპორტირების დროს და წარმოებისა და გადამუშავების ობიექტებში.
• დაიცავით ცხოველთა კეთილდღეობის სტანდარტები: უზრუნველყავით უსაფრთხო სასმელი წყალი, კარგი კვება, სუფთა ჰაერი და მოერიდეთ გადატვირთვას.

• ჩაატარეთ ვეტერინარის მიერ რეკომენდებული ვაქცინაცია და დაავადების გავრცელების თავიდან ასაცილებლად დაუყოვნებლივ გამოაცალკევეთ დაავადებული ცხოველები.
• გამოიყენეთ ნარჩენების მართვის საუკეთესო მეთოდები და გაწმინდეთ აღჭურვილობა მწარმოებლის რეკომენდაციების შესაბამისად

• დაიცავით თქვენი ვეტერინარის ინსტრუქციები დოზის (რაოდენობის), ხანგრძლივობის (დროის) და მიღების გზის (როგორ მივცეთ მკურნალობა შერჩეულ ცხოველებს) შესახებ
• შეინახეთ  ყველა ანტიბიოტიკისა და სოკოს საწინააღმდეგო საშუალების გამოყენების ჩანაწერი, თარიღებისა და დროის მითითებით და დაუკავშირდით თქვენს ვეტერინარს მკურნალობის შედეგების შესახებ ინფორმაციის მისაწოდებლად
• უსაფრთხოდ გადააგდეთ გამოუყენებელი ან ვადაგასული ანტიბიოტიკებისა და სოკოს საწინააღმდეგო საშუალებები. არ გამოიყენოთ დარჩენილი ანტიბიოტიკები ან სოკოს საწინააღმდეგო საშუალებები სხვა ცხოველებზე, თუ ის არ არის რეკომენდებული თქვენი ვეტერინარის მიერ. მოძებნეთ წამლების განადგურების ადგილობრივი პროგრამები. არასოდეს ჩაასხათ ან ჩარეცხოთ გამოუყენებელი წამლები კანალიზაციაში ან ტუალეტში.

• საუკეთესოა თუ ფერმებს აქვთ ყოველ 20 თანამშრომელზე ერთი ტუალეტი და ხელის დასაბანი ადგილი აღჭურვილი საპნით , სადაც არის გამდინარე წყალი, მათი სამუშაო ადგილიდან 5 წუთის სავალზე.  სპირტზე დამზადებული ხელის სადეზინფექციო საშუალება (მინიმუმ 60%-იანი ალკოჰოლის შემცველობით) გახადეთ ხელმისაწვდომი მომსახურე პერსონალისთვის და აუხსენით გამოყენების წესი (გამოყენება შესაძლებელია მაშინ, როდესაც ხელები არ არის ხილულად დაბინძურებული).
• დარწმუნდით, რომ პერსონალს ჩატარებული აქვს  საჭირო ვაქცინაცია და გავლილი აქვთ უსაფრთხოებისა და ჰიგიენის ტრენინგი მათ მიერ შესრულებული სამუშაოს შესახებ
• საჭიროების შემთხვევაში, გამოიყენეთ და შესაბამისად გაწმინდეთ  ინდივიდუალური დაცვის  საშუალებები (მაგ., ხელთათმანები, ჩექმები და  ნიღბები).

• მეცხოველეობისა და ფრინველის მწარმოებლები ამრ-თან ბრძოლის საკვანძო როლს ასრულებენ. გამოიყენეთ ეს პრაქტიკა, რათა გააგრძელოთ დაცვა.