სამედიცინო პერსონალისა და ვეტერინარების მიერ ანტიმიკრობული რეზისტენტობის კონტროლი

სამედიცინო პერსონალს და ვეტერინარებს შეუძლიათ დაიცვან ადამიანები და ცხოველები ანტიმიკრობული პრეპარატების მიმართ რეზისტენტული მიკრობებისგან, როგორიცაა ბაქტერიები და სოკოები, რამაც შეიძლება გამოიწვიოს ინფექციების რთული და ზოგჯერ შეუძლებელი მკურნალობა.

თქვენს დაწესებულებაში პაციენტები შესაძლოა მოვიდნენ ინფექციით  ან  ის დაემართოთ სამედიცინო მომსახურების მიღებისას, რასაც სამედიცინო მომსახურეობასთან ასოცირებული ინფექციები (სმა) ეწოდება. ეს ინფექციები შეიძლება გამოწვეული იყოს ანტიმიკრობული პრეპარატების მიმართ რეზისტენტული პათოგენებით (მავნე მიკრობებით), რამაც შეიძლება სეფსისი ან სიკვდილი გამოიწვიოს.

სინამდვილეში, სამედიცინო მომსახურეობასთან ასოცირებული ინფექციების (სმა) გამომწვევი მიკრობები ძირითადად ანტიმიკრობული პრეპარატების მიმართ რეზისტენტული პათოგენებია. დაავადებათა კონტროლისა და პრევენციის ცენტრის 2019 წლის მონაცემებით , ანტიმიკრობული პრეპარატების მიმართ რეზისტენტული მიკრობებით განპირობებული სიკვდილიანობის შემთხვევების 85%-ზე მეტი, სავარაუდოდ, გამოწვეული იყო შვიდი ანტიმიკრობული პრეპარატების მიმართ რეზისტენტული პათოგენით, რომლებიც ყველაზე მეტად ასოცირდება ჯანდაცვის დაწესებულებებთან:

• კარბაპენემის მიმართ რეზისტენტული  აცინეტობაქტერი
• Candida auris
• კარბაპენემების მიმართ რეზისტენტული ენტერობაქტერიები
• ESBL-ის წარმომქმნელი ენტერობაქტერიები
• ვანკომიცინის მიმართ რეზისტენტული ენტეროკოკი (VRE)
• მულტირეზისტენტული  Pseudomonas aeruginosa
• მეთიცილინ-რეზისტენტული  ოქროსფერი სტაფილოკოკი (MRSA)

COVID-19 პანდემიამ გავლენა მოახდინა საავადმყოფოებში ანტიმიკრობულ რეზისტენტობაზე. დაავადებათა კონტროლის ცენტრის მონაცემები აჩვენებს, რომ 2020 წელს საავადმყოფოებში გაიზარდა ამრ პათოგენებით გამოწვეული სმა ინფექციები, რომლებიც ჩამოთვლილია მის 2019 წლის ამრ საფრთხეების ანგარიშში. საავადმყოფოებში მკურნალობდნენ მძიმე პაციენტებს, რომლებსაც ესაჭირდებოდათ სამედიცინო მოწყობილობების, როგორიცაა კათეტერები და სუნთქვის აპარატები, უფრო ხშირი და ხანგრძლივი გამოყენება, რაც ხელშემწყობი ფაქტორია ამ ინფექციების გავრცელებისთვის.

ინფექციების პრევენციას და  მათი გავრცელების თავიდან აცილებას ხელს უწყობს შემდეგი ქმედებები:

• ინფექციის პრევენციისა და კონტროლის სახელმძღვანელო მითითებების დაცვა და სასწავლო რესურსების გამოყენება:
  • ინფექციის კონტროლის ინსტრუმენტები ჯანდაცვის დაწესებულებებისთვის
  • ხელის ჰიგიენის ინსტრუქცია
  • ეპიდაფეთქებების გამოძიება ჯანდაცვის დაწესებულებებში
• ჰკითხეთ პაციენტებს, ბოლო დროს მიიღეს თუ არა მკურნალობა სხვა დაწესებულებაში ან იმოგზაურეს თუ არა (მიკრობები ადვილად ვრცელდება გადაადგილებისას).
• დარწმუნდით, რომ თქვენი პაციენტები იღებენ რეკომენდებულ ვაქცინებს და ესაუბრეთ მათ და მათ ოჯახებს შემდეგ საკითხებზე:
  • ინფექციების პრევენცია
  • დაზიანებებისა და ჭრილობების სისუფთავის შენარჩუნება
  • ქრონიკული მდგომარეობების მართვა
  • სამედიცინო დახმარების მიღება ინფექციის გახანგრძლივებისას
  • იმის გაგება, თუ როდის არის საჭირო ანტიბიოტიკები და სოკოს საწინააღმდეგო პრეპარატები
• ანტიმიკრობული პრეპარატების მიმართ რეზისტენტული პათოგენებით კოლონიზებული ან ინფიცირებული პაციენტების გადაყვანისას აცნობეთ მიმღებ დაწესებულებას
• პაციენტებს აუხსენით მიკრობებისა და ინფექციების გავრცელების პრევენციის გზები, მაგალითად, გაუზიარეთპაციენტებს, თუ როგორ იყვნენ უსაფრთხოდ საავადმყოფოში ყოფნის დროს 
• იყავით ინფორმირებული მიმდინარე აფეთქებების შესახებ.

ანტიბიოტიკები და სოკოს საწინააღმდეგო საშუალებები სიცოცხლის გადამრჩენია, მაგრამ მათი გამოყენებისას შეიძლება განვითარდეს გვერდითი მოვლენები და ანტიმიკრობული პრეპარატების მიმართ რეზისტენტული ინფექციები.

• დაიცავით  კლინიკური და მკურნალობის რეკომენდაციები.
• დანერგეთ დაავადებათა კონტროლის ცენტრის  ანტიბიოტიკების მართვის ძირითადი ელემენტები, რათა უზრუნველყოთ ანტიბიოტიკების სათანადო გამოყენება.
• ანტიბიოტიკებზე არ რეაგირებს სასუნთქი გზების სოკოვანი ინფექციები, მაგალითად, კოქციდიოიდომიკოზი, ჰისტოპლაზმოზი ან ბლასტომიკოზი.
• დააკვირდით სეფსისის ნიშნებსა და სიმპტომებს
• ანტიბიოტიკებით და სოკოს საწინააღმდეგო თერაპიის დასაგეგმად ჩაატარეთ შესაბამისი დიაგნოსტიკური ტესტები, მათ შორის სწორი პრეპარატის, დოზის (რაოდენობის) და ხანგრძლივობის (პერიოდის) დანიშვნის ჩათვლით
• ტუბერკულოზის (TB) თერაპიის ოპტიმიზაცია

• გაითვალისწინეთ   თქვენს დაწესებულებასა და საზოგადოებაში არსებული ინფექციებისა და რეზისტენტობის მონაცემები .
• დარწმუნდით, რომ ლაბორატორია დაუყოვნებლივ გაცნობებთ, როდესაც თქვენს პაციენტებში ანტიმიკრობული რეზისტენტული პათოგენები გამოვლინდება
• აცნობეთ პაციენტებს და მათ ოჯახებს, რომ მათ აქვთ ანტიმიკრობული პრეპარატების მიმართ რეზისტენტული ინფექცია, ასევე, საჭიროების შემთხვევაში, სექსუალურ პარტნიორებს (მაგ., გონორეა).
• იცოდეთ, თუ როდის უნდა შეატყობინოთ შემთხვევების შესახებ და წარუდგინეთ რეზისტენტული იზოლატები ჯანდაცვის ორგანოებს უჩვეულო რეზისტენტობის ან მკურნალობის წარუმატებლობის დასადგენად (მაგ., ცეფალოსპორინების მიმართ შემცირებული მგრძნობელობის ან კლინიკური მკურნალობის წარუმატებლობის მქონე გონორეის იზოლატების შესახებ შეატყობინეთ დაავადებათა კონტროლისა და პრევენციის ცენტრს).

ცხოველების პატრონებთან და მწარმოებლებთან თანამშრომლობით  თქვენ შეგიძლიათ შეამციროთ: ანტიმიკრობული რეზისტენტობის გავრცელება დაავადებათა პრევენციისა და კონტროლის სტრატეგიების განხორციელებით, ანტიბიოტიკებისა და სოკოს საწინააღმდეგო საშუალებების გამოყენების გაუმჯობესებით, ამავდროულად, თქვენი ცხოველისთვის მაღალი ხარისხის სამედიცინო მომსახურების უზრუნველყოფით.

დაავადების პრევენცია და კონტროლი

• საუკეთესო პრაქტიკის შესახებ ადამიანების განათლება მეცხოველეობის, ვაქცინაციის, კვებისა და ბიოუსაფრთხოებისთვის.
• ცხოველებთან ურთიერთობის მქონე ადამიანებისთვის ინფორმაციის მიწოდება, თუ როგორ აიცილონ თავიდან და გააკონტროლონ ცხოველებში დაავადებები.
• ვეტერინარულ საავადმყოფოებში შეიძლება გავრცელდეს ანტიმიკრობული რეზისტენტობის მქონე ორგანიზმები - დანერგეთ ინფექციების პრევენციისა და კონტროლის პრაქტიკა თქვენი პაციენტების და შინაური ცხოველების პატრონების ჯანმრთელობის შესანარჩუნებლად.

• რეგულარულად დაიცავით ხელის ჰიგიენა მიკრობების მოსაშორებლად, ავადმყოფობის და ცხოველებსა და ადამიანებს შორის მიკრობების გავრცელების თავიდან ასაცილებლად.
• ცხოველებსა და ფერმებს შორის ინფექციის გავრცელების თავიდან ასაცილებლად, ჩაატარეთ აღჭურვილობის დეზინფექცია.

• დიაგნოსტიკური ტესტის შედეგების დოკუმენტირება და განხილვა და პაციენტის თერაპიაზე რეაქციის განხილვა.
• საჭიროებისამებრ, ხელახლა შეაფასეთ დანიშვნის მიზეზი, დოზა (რაოდენობა) და ხანგრძლივობა (დროის პერიოდი).

• დაიცავით მარეგულირებელი მოთხოვნები (სამედიცინო თვალსაზრისით მნიშვნელოვანი ანტიბიოტიკების გამოყენება უნდა ხდებოდეს ვეტერინარული ზედამხედველობის ქვეშ).
• როდესაც შესაძლებელია, გამოიყენეთ ამჟამად არსებული გაიდლაინები და დიაგნოსტიკური ტესტები ანტიბიოტიკებისა და სოკოს საწინააღმდეგო საშუალებების სათანადო დანიშვნის მიზნით.

• იყავით ინფორმირებული დაავადებათა პრევენციის ინსტრუმენტების, კონსენსუსისა და დანიშნულების გაიდლაინების, ადგილობრივი და სახელმწიფო მოთხოვნების და ანტიბიოტიკებისა და სოკოს საწინააღმდეგო საშუალებების გამოყენების პროფესიული სტანდარტების შესახებ.

• გადააგდეთ გამოუყენებელი ან ვადაგასული ანტიბიოტიკები და სოკოს საწინააღმდეგო საშუალებები შესაბამისი წესების დაცვით და არ გამოიყენოთ დარჩენილი პრეპარატები სხვა ცხოველებზე ვეტერინართან წინასწარი კონსულტაციის გარეშე.

• პრაქტიკის დონეზე მენეჯმენტის აქტივობების განხორციელება, მათ შორის ანტიბიოტიკებისა და სოკოს საწინააღმდეგო საშუალებების გამოყენების დოკუმენტირება, გამოყენების პრაქტიკის შესწავლა და კლიენტებისთვის საგანმანათლებლო რესურსის ფუნქცია.
• ჩართეთ ვეტერინარული დიაგნოსტიკური ლაბორატორიები ანტიბიოგრამების მოსაწოდებლად, რათა დადგინდეს, ინფექციის სამკურნალო ეფექტური და მიზანშეწონილობის არ მქონე ანტიბიოტიკები
• გაეცანით ანტიბიოტიკების გამოყენების პრინციპებს თქვენი პრაქტიკის მართვის გეგმის შესაქმნელად.