გესტაციური დიაბეტი

გესტაციური დიაბეტი შეიძლება განვითარდეს ორსულობის დროს ქალებში, რომლებსაც ჯერ არ აქვთ დიაბეტი. ყოველწლიურად, აშშ-ში ორსულების 5%-დან 9%- ში  ვლინდება  გესტაციური დიაბეტი. გესტაციური დიაბეტის მართვა დაგეხმარებათ ჯანსაღი ორსულობისა და ჯანმრთელი ბავშვის დაბადებაში.

გესტაციურ დიაბეტს ხშირად არანაირი სიმპტომი არ ახასიათებს. თუ სიმპტომები გაქვთ, ისინი შეიძლება მსუბუქი იყოს, მაგალითად, ჩვეულებრივზე მეტი წყურვილი ან უფრო ხშირი შარდვა. გესტაციური დიაბეტის  დადასტურებისთვის  დაგჭირდებათ ტესტირების ჩატარება.

გესტაციური დიაბეტი, მდგომარეობაა, რომელიც ორსულობის დროს ვითარდება. გესტაციური დიაბეტის განვითარებისთვის არ არის საჭირო გქონდეთ დიაბეტის დიაგნოზი. ის შესაძლოა არ იწვევდეს არანაირ სიმპტომს. სწორედ ამიტომ არის ძალიან მნიშვნელოვანი სკრინინგი გესტაციის 24-28 კვირაზე.

რისკ - ფაქტორები

გესტაციური დიაბეტის განვითარების მაღალი რისკი გაქვთ, თუ:

• წინა ორსულობის დროს გამოვლინდა გესტაციური დიაბეტი.
• თუ 4კგ-ზე მეტი წონის ბავშვი გააჩინეთ წინა ორსულობებიდან
• ოჯახური წინასწარგანწყობა
• გაქვთ ჰორმონალური დარღვევა, რომელსაც პოლიკისტოზური საკვერცხეების სინდრომი (PCOS) ეწოდება.

გესტაციური დიაბეტი ვითარდება მაშინ, როდესაც ორსულობის დროს თქვენი ორგანიზმი საკმარის ინსულინს ვერ გამოიმუშავებს. ინსულინი არის ჰორმონი, რომელსაც თქვენი პანკრეასი გამოიმუშავებს. ის სისხლის საშუალებით  აწვდის შაქარს თქვენს უჯრედებს, რათა მისი გამოყენება მოხდეს ენერგიის სახით.

ორსულობის დროს თქვენი სხეული გამოიმუშავებს მეტ ჰორმონს და ვითარდება ისეთი ცვლილებები, როგორიცაა წონის მატება. ეს ცვლილებები იწვევს თქვენი სხეულის უჯრედების მიერ ინსულინის ნაკლებ გამოყენებას, რასაც ინსულინრეზისტენტობა ეწოდება. ინსულინრეზისტენტობა კი ზრდის თქვენი ორგანიზმის მოთხოვნილებას ინსულინზე.

ორსულობის გვიან პერიოდში ყველა ორსულ ქალს აღენიშნება ინსულინრეზისტენტობის გარკვეული ფორმა. თუმცა, ზოგიერთ ქალს ინსულინრეზისტენტობა დაორსულებამდეც კი აღენიშნება. ორსულობას ინსულინზე მომატებული მოთხოვნილება ახლავს და უფრო მეტად ახასიათებს გესტაციური დიაბეტის განვითარების რისკი.

გესტაციური დიაბეტის პრევენცია შესაძლებელია დაორსულებამდე ცხოვრების წესის შეცვლით. ეს მოიცავს წონის დაკლებას ჭარბი წონის შემთხევაში, ჯანსაღი კვების რაციონს და რეგულარულ ფიზიკურ აქტივობას.  ბავშვის ჯანმრთელობისთვის წონაში მომატება ჩვეულებრივი მოვლენაა.

მიმართეთ ექიმს იმის გასაგებად, თუ რამდენი კილოგრამის მომატებაა უსაფრთხო  ჯანსაღი ორსულობისთვის.

ტიპი 2 დიაბეტის პრევენცია

გესტაციური დიაბეტით დაავადებული ქალების დაახლოებით ნახევარს შემდგომში მე-2 ტიპის დიაბეტი უვითარდებათ. მიმართეთ ექიმს რისკის შესამცირებლად. ჰკითხეთ, რამდენად ხშირად უნდა გაიზომოთ სისხლში შაქარი, რათა დარწმუნდეთ, რომ სწორი მაჩვენებლები გაქვთ.

მნიშვნელოვანია გესტაციური დიაბეტის ტესტირება, რათა დაიწყოთ მკურნალობა თქვენი ბავშვის და საკუთარი ჯანმრთელობის დასაცავად.

გესტაციური დიაბეტი, როგორც წესი, ორსულობის დაახლოებით 24-ე კვირას ვითარდება. სავარაუდოდ, ტესტირება 24-დან 28 კვირამდე პერიოდში ჩაგიტარდებათ.

თუ გესტაციური დიაბეტის განვითარების მაღალი რისკი გაქვთ, ექიმმა შეიძლება უფრო ადრე გამოგიკვლიოთ. თუ ორსულობის ადრეულ ეტაპზე სისხლში შაქრის დონე ნორმაზე მაღალია, შესაძლოა, გქონდეთ 1 ან 2 ტიპის დიაბეტი და არა გესტაციური დიაბეტი.

გესტაციური დიაბეტის სამართავად ბევრი რამის გაკეთება შეგიძლიათ. გაიარეთ ყველა პრენატალური ვიზიტი და მიჰყევით თქვენი მკურნალობის გეგმას:

• სისხლში შაქრის დონის შემოწმება
• აქტიური ცხოვრება ამცირებს სისხლში შაქარს და ზრდის ინსულინის მიმართ მგრძნობელობას
• ჯანსაღი საკვების მიღება საჭირო რაოდენობით და საჭირო დროს.

თუ ჯანსაღი კვება და ფიზიკური აქტივობა არ არის საკმარისი სისხლში შაქრის დონის სამართავად, ექიმმა შეიძლება დაგინიშნოთ სამკურნალო მედიკამენტები.