მძიმე დიარეა (C. diff ინფექცია)

diff ინფექციის გავრცელებული სიმპტომებია:

• დიარეა
• მაღალი ტემპერატურა (ცხელება)
• მადის დაკარგვა
• გულისრევა
• მუცლის ტკივილი

მიკრობიომი არის კარგი და ცუდი მიკრობების ერთობლიობა, რომლებიც ცხოვრობენ თქვენს სხეულში ან მასზე - მათ შორის კუჭსა და ნაწლავებში, პირის ღრუსა და კანზე. ამ მიკრობებიდან ზოგიერთს შეუძლია დაავადების გამოწვევა, მაგრამ სხვები ძალიან მნიშვნელოვანია თქვენი ჯანმრთელობის შესანარჩუნებლად.

ჯანსაღი მიკრობიომი დაგეხმარებათ ინფექციისგან დაცვაში, მაგრამ ანტიბიოტიკები არღვევს თქვენს მიკრობიომს. ანტიბიოტიკებს, რომლებიც ებრძვიან ბაქტერიულ ინფექციებს მავნე მიკრობების განადგურებით, ასევე შეუძლიათ საჭმლის მომნელებელ ტრაქტში მცხოვრები სასარგებლო მიკრობების განადგურება, რომლებიც ორგანიზმს ინფექციებისგან იცავენ. ანტიბიოტიკების ეფექტი შეიძლება რამდენიმე თვემდე გაგრძელდეს. თუ ამ პერიოდში C. diff-ის მიკრობებთან შეხებაში გექნებათ, შეიძლება დაავადდეთ. სტატისტიკურად დაახლოებით 9 ადამიანიდან 1, ვისაც C. diff ინფექცია ქონდა, მომდევნო 2-8 კვირაში ისევ ინფიცირდება.

diff ინფექციის განვითარების რისკი უფრო მაღალია, თუ:

• ხართ 65 წლის ან მეტი ასაკის;
• იღებთ ან ახლახან იღებდით ანტიბიოტიკებს;
• ხანგრძლივად იმყოფებით საავადმყოფოში ან ხანშიშესულთა სახლში;
• გაქვთ იმუნური სისტემის დაქვეითება (მაგალითად, დიაბეტი, თირკმლის უკმარისობა ან ქიმიოთერაპია);
• იღებთ კუჭის მჟავიანობის დამაქვეითებელ პრეპარატებს;
• წარსულში უკვე გქონდათ C. diff ინფექცია.

შესაძლოა თქვენ მაინც დაგემართოთ C. diff ინფექცია, მაშინაც კი, თუ არ გაქვთ ამ რისკ-ფაქტორებიდან არცერთი. C. diff ინფექცია უფრო ხშირია პაციენტებს შორის ჯანდაცვის დაწესებულებებში, როგორიცაა საავადმყოფოები და ხანშიშესულთა სახლები. ეს იმიტომ ხდება, რომ C. diff-ის მატარებელი ბევრი ადამიანი რჩება ან მკურნალობს ამ დაწესებულებებში.

დაუყოვნებლივ მიმართეთ ოჯახის ექიმს, თუ:

• გაქვთ დიარეა და იღებთ ან ახლახან იღებდით ანტიბიოტიკებს
• გაქვთ სისხლიანი დიარეა ან სწორი ნაწლავიდან სისხლდენა
• დიარეა გრძელდება 7 დღეზე მეტხანს.

თუ ექიმს აქვს ეჭვი C. diff ინფექციაზე, შესაძლოა დაგინიშნოთ განავლის კვლევა. ინფექციის მკურნალობა ზოგჯერ შესაძლებელია სახლში, თუმცა ზოგ შემთხვევაში საჭიროა ჰოსპიტალიზაცია, რადგან C. diff ინფექციამ შეიძლება გამოიწვიოს სერიოზული გართულებები, მათ შორის სეფსისი.

მკურნალობა მოიცავს: უკვე დანიშნული ანტიბიოტიკების შეწყვეტას (შესაძლებლობის შემთხვევაში), 10-დღიანი კურსით სპეციფიური ანტიბიოტიკის დანიშვნას, რომელიც მოქმედებს C. diff-ზე, ასევე, მოგცემენ რეკომენდაციებს გაუწყლოვანების (დეჰიდრატაციის) პრევენციისთვის, მათ შორის სითხის უხვად მიღებას.

სიმპტომები, როგორც წესი, უმჯობესდება სპეციფიური ანტიბიოტიკის დაწყებიდან რამდენიმე დღეში, თუმცა ინფექციის სრულად გაქრობას შეიძლება დასჭირდეს 1–2 კვირა. თუმცა, დაახლოებით 9 ადამიანიდან 1, ვისაც C. diff  ინფექცია აქვს, მომდევნო 2-8 კვირაში ისევ დაინფიცირდება.

დაუკავშირდით ექიმს, თუ: სიმპტომები გაუარესდა, მკურნალობის დაწყების შემდეგ თავს ძალიან ცუდად გრძნობთ, სიმპტომები განმეორდა მკურნალობის დასრულების შემდეგ.

გააგრძელოთ C. diff-ისთვის დანიშნული ანტიბიოტიკის მიღება საჭირო დროის განმავლობაში, თუნდაც თავი უკეთ იგრძნოთ. მკურნალობის ნაადრევად შეწყვეტამ შეიძლება გამოიწვიოს სიმპტომების დაბრუნება.

თუ გაქვთ C. diff ინფექცია ან ზრუნავთ C. diff ინფექციით დაავადებულ ადამიანზე, დაიბანეთ ხელები საპნითა და წყლით ყოველ ჯერზე, როცა ტუალეტში შეხვალთ და ჭამის წინ. შეახსენეთ ნათესავებსა და მეგობრებს, რომლებიც თქვენზე ზრუნავენ, რომ იგივე გააკეთონ. დარჩით სახლში დიარეის შეწყვეტიდან მინიმუმ 48 საათის განმავლობაში.

შეეცადეთ გამოიყენოთ ცალკე ტუალეტი, თუ გაქვთ C. diff ინფექციით გამოწვეული დიარეა. თუ ამას ვერ ახერხებთ, დარწმუნდით, რომ აბაზანაში ხშირად შეხებადი ზედაპირები გაიწმინდება, სანამ სხვები გამოიყენებენ მას.

მიიღეთ შხაპი და დაიბანეთ კანი საპნით, რათა მოაშოროთ C. diff-ის ნებისმიერი მიკრობი, რომელიც შეიძლება გქონდეთ თქვენს სხეულზე. არ გააზიაროთ პირსახოცები.

რეგულარულად დაასუფთავეთ ზედაპირები, რომლებსაც ხელებით ეხებით, მათ შორის: კარის სახელურები, ელექტრონიკა, მაცივრის სახელურები, ტუალეტის ჩასარეცხი, ჩამრთველები, ღილაკები.

გარეცხეთ დაავადებულის სარეცხი მაღალ ტემპერატურაზე დეტერგენტის და ქლორის გამოყენებით, გამოიყენეთ ხელთათმანები და ყოველთვის დაიბანეთ ხელები საპნით და წყლით, თუნდაც ხელთათმანები გეკეთათ.

დარწმუნდით, რომ ყველა ჯანდაცვის სპეციალისტი იტარებს ხელის ჰიგიენას თქვენს მოვლამდე და მის შემდეგ. სთხოვეთ მათ, რომ დაიბანონ ხელები, თუ ამას არ აკეთებენ.

თქვენზე და C. diff ინფექციით დაავადებულ სხვა პაციენტებზე ზრუნვისას ჯანდაცვის სპეციალისტებმა უნდა მიიღონ გარკვეული სიფრთხილის ზომები, როგორიცაა ხალათის და ხელთათმანების ტარება. ეს ხელს შეუშლის C. diff-ის გავრცელებას საკუთარ თავსა და სხვა პაციენტებზე.

დაიბანეთ ხელები საპნითა და წყლით ყოველ ჯერზე, როცა ტუალეტში შეხვალთ და ჭამის წინ. შეახსენეთ ნათესავებსა და მეგობრებს, რომლებიც თქვენზე ზრუნავენ, იგივე გააკეთონ.

საავადმყოფოები ზედაპირებზე C. diff-ის გასანადგურებლად სპეციალურ საწმენდ საშუალებებს იყენებენ. თქვენ ასევე შეგიძლიათ გამოიყენოთ ეს პროდუქტები სახლში. აუცილებლად დაიცავით მწარმოებლის ინსტრუქციები. ეს ინსტრუქციები ხშირად მოიცავს ჯერ გაწმენდას დეტერგენტით, შემდეგ კი სადეზინფექციო საშუალებების გამოყენებას.

რესურსები:

• https://www.cdc.gov/c-diff/about/index.html
• https://www.cdc.gov/c-diff/index.html
• https://www.nhs.uk/conditions/c-difficile/