ოპერაციის შემდგომი ჭრილობის ინფექცია

ეს ინფექცია გამოწვეულია მიკრობებით, რომლებიც აღწევენ ქირურგიულ ჭრილობაში. ყველაზე გავრცელებული გამომწვევებია სტაფილოკოკები, სტრეპტოკოკები, ენტეროკოკები, ნაწლავის ჩხირი, ფსევდომონა და ა.შ.

მიკრობებს შეუძლიათ ჭრილობის დაინფიცირება სხვადასხვა გზით - მაგალითად, კოლონიზებულ პერსონალთან ან ქირურგიულ ინსტრუმენტებთან კონტაქტისას, გარემოში არსებულ მიკრობებთან შეხებისას, რომლებიც კანზე ხვდებიან და შემდეგ აღწევენ ჭრილობაში, ან ნაოპერაციები პაციენტის ქსოვილებში უკვე არსებული მიკრობები აინფიცირებენ ჭრილობას.

• სუფთა ჭრილობა - არ არის დაბინძურებული ან ანთებითი ოპერაციის მომენტში, არ აქვს კავშირში ორგანოებთან;
• პირობით სუფთა ჭრილობა - არ არის ანთებითი ოპერაციის მომენტში, მაგრამ დაკავშირებულია ორგანოებთან;
• დაბინძურებული ჭრილობა - დაკავშირებულია ორგანოებთან, ოპერაციისას ორგანოს შიგთავსი შეიძლება მოხვდეს ჭრილობაში;
• ინფიცირებული ჭრილობა - ოპერაციის მომენტში სახეზეა ქირურგიული ჩარევის მიდამოს ინფექცია.

• 2 საათზე მეტი ხანგრძლივობის ოპერაცია;
• ჯანმრთელობის სხვა პრობლემების არსებობა;
• ხანდაზმული ასაკი;
• ჭარბი წონა;
• მწეველობა;
• ონკოლოგიური დაავადებები;
• დასუსტებული იმუნიტეტი;
• დიაბეტი;
• სასწრაფო ოპერაცია;
• ოპერაცია მუცლის ღრუს ორგანოებზე.

• კანში;
• კანქვეშა ქსოვილებში;
• ორგანოებში;
• იმპლანტაციის ადგილას.

• ნაოპერაციები ადგილის შეწითლება და მტკივნეულობა;
• მღვრიე გამონადენი ქირურგიული ჭრილობიდან;
• ტემპერატურის მომატება.

დიახ შესაძლებელია - ოპერაციის შემდგომი ჭრილობის ინფექციების უმეტესობა ინკურნება ანტიბიოტიკებით. ანტიბიოტიკის შერჩევისას ითვალისწინებენ იმ მიკროორგანიზმებს, რომლებმაც გამოიწვიეს ინფექცია. ზოგჯერ, ინფექციის სამკურნალოდ  საჭირო ხდება განმეორებითი ოპერაცია.

• დაანებეთ თავი მოწევას. მწეველებში ქიჩმი ვითარდება უფრო ხშირად;
• არ გაიპარსოთ თვითნებურად ადგილი, სადაც უნდა გაკეთდეს ქირურგიული კვეთა. გაპარსვამ შესაძლოა გააღიზიანოს კანი და ამით ხელი შეუწყოს ინფექციის განვითარებას;
• აცნობეთ თქვენს ექიმს ჯანმრთელობასთან დაკავშირებული სხვა პრობლემების შესახებ, მაგალითად, ალერგიის, დიაბეტის, ჭარბი წონის, რომელთაც შეუძლიათ გავლენა იქონიონ ოპერაციის შედეგებზე.
• იკითხეთ, დაგინიშნავენ თუ არა ანტიბიოტიკებს ოპერაციამდე.

https://skillio.ge/wp-content/uploads/2026/03/პრეოპერაციული-პროფილაქტიკა.pdf   

• თქვენ და თქვენი ოჯახის წევრები არ უნდა შეეხონ ქირურგიული ჩარევის მიდამოს და სახვევებს ხელის ჰიგიენის გარეშე. დაიბანეთ ხელები ჭრილობასთან შეხებამდე და მის შემდეგ;
• თუ თქვენ შენიშნავთ ინფექციის ნიშნებს ქირურგიული ჩარევის მიდამოში ან ცხელებას, დაუყოვნებლივ მიმართეთ მკურნალ ექიმს.

• სამედიცინო პერსონალი იტარებს ხელის ჰიგიენას ოპერაციის, გასინჯვის, პროცედურების წინ; 
• ქირურგიული ჩარევის არეში, უშუალოდ ოპერაციის წინ, აცილებენ თმოვან საფარველს მხოლოდ ელექტრო საპარსით;
• ზოგიერთი ოპერაციის წინ 60 წუთით ადრე ტარდება პროფილაქტიკური ანტიბიოტიკოთერაპია, რომელიც გრძელდება ოპერაციიდან 24 საათის განმავლობაში;
• ოპერაციის დაწყებამდე, კანზე არსებული მიკრობების შესამცირებლად, ქირურგიული ჩარევის არე მუშავდება ანტისეპტიკით;

პაციენტებში მიკრობების გავრცელების პროფილაქტიკისთვის, სამედიცინო პერსონალი ზედმიწევნით უნდა იცავდეს ქიჩმის პრევენციის წესებს და რეკომენდაციებს.

https://skillio.ge/wp-content/uploads/2026/03/ინტრაოპერაციული-პროფილაქტიკა-1.pdf

• https://www.cdc.gov/surgical-site-infections/about/index.html
• https://www.who.int/teams/integrated-health-services/infection-prevention-control/surgical-site-infection
• https://www.who.int/publications/m/item/preoperative-period---surgical-site-infection-prevention-recommendations