სისხლის ნაკადის ინფექციების პრევენციის საუკეთესო პრაქტიკა დიალიზისას

სისხლის ნაკადის ინფექციები (BSI) დიალიზის სახიფათო გართულებაა. დიალიზის დაწესებულებაში ინფექციის პრევენციისა და კონტროლის სათანადო პროცედურების დაცვა იცავს პაციენტებს. ძირითადი ინტერვენციები დიალიზის დაწესებულებებში BSI-ის პრევენციის მიდგომაა და დადასტურებულია, რომ ამცირებს  BSI-ებს დიალიზის დროს. 

• ცენტრალური კათეტერის შეყვანისა და სახვევის გამოცვლის დროს კანის ანტისეპტიკური საშუალების სახით პირველი რიგის საშუალებად გამოიყენეთ სპირტზე დამზადებული ქლორჰექსიდინის (>0.5%) ხსნარი.
• ქლორჰექსიდინის აუტანლობის მქონე პაციენტებისთვის ალტერნატივაა პოვიდონ-იოდი (სასურველია სპირტთან ერთად) ან 70%-იანი სპირტი.

• თავსახურის მოხსნის შემდეგ და მასთან შეხებამდე გაწმინდეთ კათეტერის კონექტორი შესაბამისი ანტისეპტიკური საშუალებით. ეს პროცედურა შეასრულეთ კათეტერის შეხებისას ან გათიშვის შემდეგ  ყოველ ჯერზე.
• თუ გამოიყენება დახურული უნემსო შემაერთებელი მოწყობილობა, შემაერთებელ მოწყობილობას დეზინფექცია ჩაუტარეთ მწარმოებლის ინსტრუქციის შესაბამისად.

• სახვევის გამოცვლისას კათეტერის გამოსასვლელ ადგილებში წაისვით ანტიბიოტიკის შემცველი ან პოვიდონ-იოდის მალამო. ჰემოდიალიზის კათეტერის გამოსასვლელი ადგილებისთვის ანტიმიკრობული მალამოს შერჩევის შესახებ დამატებითი ინფორმაცია იხილეთ A-ში . ალტერნატივა შეიძლება იყოს ქლორჰექსიდინით გაჟღენთილი ღრუბელის სახვევის გამოყენება.

ჰემოდიალიზის ცენტრალური ვენური კათეტერის კვანძის გაწმენდის   პროტოკოლი

ეს პროტოკოლი ჰემოდიალიზისთვის კათეტერთან შეხებამდე კათეტერის კვანძის მომზადების შემოთავაზებულ მიდგომას ასახავს. ის ეფუძნება მტკიცებულებებს, სადაც ეს შესაძლებელია და მოიცავს თეორიულ დასაბუთებას, როდესაც გამოქვეყნებული მტკიცებულებები არ არის ხელმისაწვდომი.

დაავადებათა კონტროლის ცენტრს აქვს საკონტროლო სიები და ინსტრუმენტები, რათა ხელი შეუწყოს ინფექციის პრევენციისა და კონტროლის სათანადო პრაქტიკის დანერგვას დიალიზის დაწესებულებებში.

https://www.cdc.gov/dialysis-safety/hcp/clinical-safety/? 

CDC_AAref_Val=https://www.cdc.gov/dialysis/prevention-tools