კათეტერთან ასოცირებული საშარდე გზების ინფექცია (CAUTI)

კათეტერთან ასოცირებული საშარდე გზების ინფექცია (CAUTI) ვითარდება საშარდე გზებში ჩადგმულ კათეტერში  მიკრობების მოხვედრის შედეგად, რასაც მოჰყვება საშარდე სისტემაში ინფექციის განვითარება. ეს არის სამედიცინო  მომსახურებასთან  ასოცირებული  ინფექციების სმაი-ების (HAI) ერთ-ერთი ყველაზე გავრცელებული სახეობა , რომლის პრევენცია და მკურნალობა შესაძლებელია.

• შარდის ბუშტის ინფექცია (ყველაზე გავრცელებული, ასევე ცნობილი როგორც ცისტიტი).
• თირკმლის ინფექცია (ნაკლებად გავრცელებული, მაგრამ უფრო სერიოზული, ასევე ცნობილი როგორც პიელონეფრიტი).        განაგრძეთ კითხვა კათეტერთან ასოცირებული საშარდე გზების ინფექციები (CAUTI) 

• წვა ან ტკივილი მუცლის ქვედა არეში;
• ცხელება;
• წვის შეგრძნება შარდვის დროს;
• ხშირი შარდვა.

CAUTI-ის განვითარების ყველაზე მნიშვნელოვანი რისკ-ფაქტორი შარდის კათეტერის ხანგრძლივი გამოყენებაა.

საშარდე გზების ინფექცია (CAUT) ვითარდება მაშინ, როდესაც მიკრობები (ჩვეულებრივ ბაქტერიები) ორგანიზმში შედიან შარდის კათეტერის მეშვეობით, რაც  იწვევს ინფექციას. ინფექცია შეიძლება განვითარდეს საშარდე გზების ნებისმიერ ნაწილში (მაგ., თირკმელებში, შარდსაწვეთში, შარდის ბუშტსა და შარდსადენში).

პაციენტები

• მიიღეთ ინფორმაცია შარდის ბუშტის კათეტერის ჩადგმის აუცილებლობის შესახებ;
• ყოველდღიურად ჰკითხეთ სამედიცინო პერსონალს კათეტერის შარდის ბუშტში დატოვების საჭიროების შესახებ;
• ხანგრძლივი  კათეტერიზაციის შემთხვევაში, ჩაიტარეთ ხელის ჰიგიენა კათეტერთან შეხებამდე და შეხების შემდეგ;
• შეამოწმეთ შარდის მიმღები კონტეინერის მდებარეობა: ის ყოველთვის შარდის ბუშტის დონის ქვემოთ უნდა იყოს;
• მოერიდეთ მილის დაქაჩვა/მოქაჩვას.
• კათეტერის მილის დატრიალებას ან მოღუნვას.

სამედიცინო დაწესებულებები

სამედიცინო მუშაკებსა და დაწესებულებებს შეუძლიათ კათეტერთან ასოცირებული ინფექციების პრევენცია და პაციენტების დაცვა ინფექციის კონტროლის სათანადო პროცესებით. 

სამედიცინო მუშაკები კლინიკური უსაფრთხოება: კათეტერთან ასოცირებული საშარდე გზების ინფექციების (CAUTIs) პრევენცია

• კათეტერ ასოცირებული საშარდე გზების ინფექციები (CAUTI) არის ერთ-ერთი ყველაზე გავრცელებული სამედიცინო  მომსახურებასთან  ასოცირებული  ინფექცია სმაი (HAI).
• სამედიცინო დაწესებულებებში განვითარებული საშარდე გზების ინფექციების დაახლოებით 75% საშარდე კათეტერთან არის დაკავშირებული.
• სამედიცინო დაწესებულებაში პაციენტების 15-25%-ს მკურნალობის პერიოდში ჩადგმული აქვს შარდის ბუშტის შიდა კათეტერი.
• კათეტერ ასოცირებული საშარდე გზების ინფექციები (CAUTI) დაკავშირებულია გაზრდილ ავადობასთან, სიკვდილიანობასთან, ჯანდაცვის ხარჯების მატებასთან და ჰოსპიტალიზაციის გახანგრძლივებასთან.

• მუდმივი შარდის კათეტერი . შარდის ბუშტში შარდსადენიდან შეჰყავთ  სადრენაჟე მილი, ტოვებენ მასში და უკავშირებენ  შარდის  შემგროვებელ დახურულ სისტემას.
• პერიოდული („შემავალი და გამომავალი“) კათეტერიზაცია . კათეტერის ხანმოკლე შეყვანა შარდის ბუშტში შარდსადენიდან შარდის გამოსადევნად, რასაც მოჰყვება მისი ამოღება.
• გარეგანი კათეტერი. შარდის შეკავების მოწყობილობა მიმაგრებულია შარდის დრენაჟის პარკზე, რომელიც ერგება სასქესო ორგანოებს ან ეკვრება მათ. ყველაზე ხშირად გამოყენებული გარეგანი კათეტერი არის რბილი, მოქნილი გარსი, რომელიც ერგება სასქესო ორგანოს („პრეზერვატივის“ კათეტერი).
• სუპრაპუბიკური კათეტერი. ქირურგიული გზით შეჰყავთ შარდის ბუშტში მუცლის ქვედა ნაწილში გაკეთებული ჭრილობის მეშვეობით.

კათეტერ ასოცირებული საშარდე გზების ინფექციების ( (CAUT) მკურნალობა შესაძლებელია ანტიბიოტიკებით და/ან კათეტერის ამოღებით ან შეცვლით. თითოეული პაციენტისთვის საუკეთესო მკურნალობას განსაზღვრავს მკურნალი ექიმი.

•  CAUTI-ების შეტყობინების ანგარიშვალდებულება დაავადების კონტროლის ცენტრთან .
• მჭიდრო თანამშრომლობა ჯანდაცვის დეპარტამენტებთან , ჯანდაცვის სერვისის მიმწოდებლებთან და პაციენტებთან, რათა თავიდან იქნას აცილებული CAUTI-ებით გამოწვეული ინფექციები და შენელდეს რეზისტენტული მიკრობების გავრცელება .