საშარდე გზების ინფექციის საფუძვლები

საშარდე გზები მოიცავს შარდის ბუშტს, შარდსადენს და თირკმელებს (იხილეთ სურათი). საშარდე გზების ინფექციები გავრცელებული ინფექციებია, რომლებიც ვითარდება მაშინ, როდესაც ბაქტერიები,  ხვდებიან შარდსადენში და აინფიცირებენ საშარდე გზებს, ხშირად კანიდან ან სწორი ნაწლავიდან.

• შარდის ბუშტის ინფექცია (ყველაზე გავრცელებული, ასევე ცნობილი როგორც ცისტიტი).
• თირკმლის ინფექცია (ნაკლებად გავრცელებული, მაგრამ უფრო სერიოზული, ასევე ცნობილი როგორც პიელონეფრიტი).

• განაგრძეთ კითხვაკათეტერთან ასოცირებული საშარდე გზების ინფექციის (CAUTI) საფუძვლები

შარდის ბუშტის ინფექციის სიმპტომები შეიძლება მოიცავდეს:

• ტკივილი ან წვა შარდვის დროს
• ხშირი შარდვა
• შარდვის სურვილის შეგრძნება ცარიელი შარდის ბუშტის მიუხედავად
• სისხლიანი შარდი
• ზეწოლა ან სპაზმები საზარდულის ან მუცლის ქვედა ნაწილში

თირკმლის ინფექციის სიმპტომები შეიძლება მოიცავდეს:

• ცხელება
• შემცივნება
• წელის ტკივილი ან ტკივილი ზურგის გვერდით ნაწილში
• გულისრევა ან ღებინება

 მცირეწლოვან ბავშვებს არ შეუძლიათ საშარდე გზების ინფექციის სიმპტომების შესახებ ინფორმაციის მოწოდება. ჩვილებსა და მცირე ასაკის ბავშვებში საშარდე გზების ინფექციის ყველაზე გავრცელებული ნიშანი ცხელებაა, მაგრამ სიცხის მქონე ბავშვების უმეტესობას საშარდე გზების ინფექცია არ აქვს.

საშარდე გზების ინფექციები უფრო ხშირია ქალებში, რადგან მათი შარდსადენი უფრო მოკლეა და სწორ ნაწლავთან უფრო ახლოსაა. ეს აადვილებს ბაქტერიების საშარდე გზებში შეღწევას.

სხვა რისკ-ფაქტორები:

• • წარსულში გადატანილი საშარდე გზების ინფექცია.
  • ბოლოდროინდელი სექსუალური აქტივობა.
  • საშოში ან საშოს ფლორაში მცხოვრები ბაქტერიების ცვლილებები. მაგალითად, მენოპაუზამ ან სპერმიციდების გამოყენებამ შეიძლება გამოიწვიოს ეს ბაქტერიული ცვლილებები.
  • ორსულობა.
  • ასაკი (ხანდაზმულები და მცირეწლოვანი ბავშვები უფრო მეტად არიან მიდრეკილნი საშარდე გზების ინფექციებისკენ).
  • საშარდე გზების სტრუქტურული პრობლემები, როგორიცაა გადიდებული პროსტატა.

• მაგალითად, ცუდი ჰიგიენა ბავშვებში.

• მოშარდვა სქესობრივი აქტის შემდეგ.
• დღის განმავლობაში საკმარისი წყლის დალევა.
• აბაზანის ნაცვლად შხაპის მიღება.
• მინიმუმამდე დაიყვანეთ გამორეცხვა, სპრეი ან პუდრის შეფრქვევა სასქესო ორგანოების არეში.
• ქოთანთან ყოფნისას გოგონებს ასწავლეთ წინიდან უკან გაწმენდა.

• თუ თქვენ ან თქვენს შვილს გაქვთ საშარდე გზების ინფექციის სიმპტომები ან ნებისმიერი მძიმე ან შემაშფოთებელი სიმპტომი.

დაუყოვნებლივ დაუკავშირდით თქვენს ექიმს

თუ თქვენი შვილი 3 თვეზე ნაკლები ასაკისაა და აქვს 38°C ან მეტი სიცხე.

თქვენი ექიმი დაადგენს, გაქვთ თუ არა საშარდე გზების ინფექცია შემდეგი გზით:

• სიმპტომების შესახებ გამოკითხვა.
• ფიზიკური გამოკვლევის ჩატარება.
• საჭიროების შემთხვევაში, შარდის ანალიზების დანიშვნა.
• საჭიროების შემთხვევაში, საშარდე გზების ინფექციის სამკურნალოდ ანტიბიოტიკების დაწყება.

• საშარდე გზების ინფექციების უმეტესობის მკურნალობა შესაძლებელია ექიმის მიერ დანიშნული ანტიბიოტიკების სახლში მიღებით. თქვენმა ექიმმა შეიძლება ასევე გირჩიოთ მედიკამენტები ტკივილის ან დისკომფორტის შესამსუბუქებლად. ზოგიერთ შემთხვევაში შეიძლება საჭირო გახდეს სპეციალიზირებულ დაწესებულებაში მკურნალობა.

ანტიბიოტიკების მიღებისას შესაძლოა გამოვლინდეს გვერდითი მოვლენები, რომელიც მოიცავს:

• გამონაყარს, თავბრუსხვევას, გულისრევას, დიარეას და სოკოვან ინფექციებს.
• უფრო სერიოზული გვერდითი მოვლენები შეიძლება მოიცავდეს  რეზისტენტული მიკრობით გამოწვეულ ინფექციებს ან C. diff ინფექციას, რომელიც იწვევს დიარეას, რამაც შეიძლება გამოიწვიოს მსხვილი ნაწლავის მძიმე დაზიანება და ცუდი შედეგი.

ანტიბიოტიკის მიღებისას ნებისმიერი გვერდითი მოვლენების განვითარების შემთხვევაში, დაუკავშირდით თქვენს ექიმს.

• დალიეთ დიდი რაოდენობით წყალი ან სხვა სითხეები.
• თუ თქვენი ექიმი ანტიბიოტიკებს დაგინიშნავთ:
  • მიიღეთ ანტიბიოტიკები ზუსტად ისე, როგორც გაქვთ დანიშნული.
  • არ გაუზიაროთ თქვენი ანტიბიოტიკები სხვებს.
  • არ შეინახოთ ანტიბიოტიკები მოგვიანებით გამოყენებისთვის. დარჩენილი ანტიბიოტიკების უსაფრთხოდ გადაგდების შესახებ გაესაუბრეთ თქვენს ექიმს.

თუ ანტიბიოტიკებთან დაკავშირებით რაიმე შეკითხვა გაქვთ, მიმართეთ თქვენს ექიმს.