სისხლის ნაკადის ინფექციების პრევენციის საუკეთესო პრაქტიკა დიალიზისას

თქვენი თირკმელები სასიცოცხლოდ მნიშვნელოვან როლს ასრულებენ სისხლის გაწმენდაში, ორგანიზმიდან ნარჩენების გამოდევნასა და სხვა მნიშვნელოვანი ფუნქციების მხარდაჭერაში. დიალიზი- ეს არის თირკმლის უკმარისობის ან თირკმელების არასწორად ფუნქციონირების სამედიცინო მკურნალობა. ის არ წარმოადგენს თირკმლის ფუნქციის აღდგენის სამკურნალო საშუალებას.

დიალიზზე მყოფ ადამიანებში ხშირია ინფექციები  და ისინი შეიძლება ძალიან სერიოზული იყოს.

ყველას აქვს თავისი როლი ინფექციების პრევენციასა და დიალიზზე მყოფი პაციენტის უსაფრთხოების გაუმჯობესებაში. თქვენ შეგიძლიათ იყოთ უსაფრთხო პაციენტი და მიიღოთ ზომები ინფექციების პრევენციისათვის.

• დიალიზის ცენტრში ჰემოდიალიზი
• სახლში ჰემოდიალიზი ( ჩვენს ქვეყანაში არ არის დანერგილი)
• პერიტონეალური დიალიზი (PD)

მკურნალობის თითოეულ ვარიანტს ინფექციის განსხვავებული რისკები აქვს. განიხილეთ სხვადასხვა მკურნალობის ვარიანტები თქვენს ექიმთან, თქვენი საჭიროებების საუკეთესო  ვარიანტის ასარჩევად.

ვენური მიდგომა : ასევე ცნობილი როგორც სისხლძარღვოვანი მიდგომა ჰემოდიალიზის პროცედურების დროს სისხლს თქვენს სხეულსა და დიალიზის აპარატს შორის გადაადგილებს.

• არტერიოვენური (AV) ფისტულა:სისხლის მიმოქცევის სისტემაში შეღწევა, რომელიც ექიმების მიერ არტერიისა და ვენის ქირურგიული გზით შეერთებისას იქმნება, ხშირად მკლავის არეში. შეხორცების შემდეგ ჰემოდიალიზი ფისტულის მეშვეობით ტარდება. შეღწევის ეს ტიპი უფრო დიდხანს გრძელდება, ვიდრე ტრანსპლანტატი და ინფექციის ყველაზე დაბალი რისკი აქვს.
• არტერიოვენური (AV) ტრანსპლანტატი:სისხლის მიმოქცევის სისტემაში შეღწევა, როდესაც ექიმები არტერიასა და ვენას შორის დამაკავშირებელი მილს შეიყვანენ. ასეთ დროს ინფექციის შეღწევის რისკი  უფრო მაღალია, ვიდრე AV ფისტულის შემთხვევაში, მაგრამ უფრო დაბალი, ვიდრე ცენტრალური კათეტერის არსებობისას.
• ცენტრალური ვენის კათეტერი: სისხლის მიმოქცევის სისტემაში შეღწევა კანიდან ვენაში მილის შეყვანით ხდება. მილი კისრის, გულმკერდის ან საზარდულის ვენის გავლით შედის და მილის წვერი გულთან ახლოს მთავრდება. სისხლძაღღვოვანი მიდგომის ეს ტიპი განკუთვნილია ხანმოკლე გამოყენებისა და სწრაფი განთავსებისთვის და ასევე ინფექციის ყველაზე მაღალი რისკი აქვს.                            სამედიცინო დაწესებულებებმა შეიძლება გამოიყენონ ცენტრალური კათეტერი, იმ შემთხვევაში თუ მკურნალობა მალე უნდა დაიწყოს, გაქვთ დაზიანებული ვენები და არტერიები ან გაქვთ ვენებზე მიდგომის სხვა ტიპის ბარიერები.   
• Bloodstream-Infection-Risk-Infographic

დიალიზის დაწესებულებაში მყოფ რესპირატორული ინფექციით დაავადებულ ადამიანს შეუძლია ხველით ან ცემინებით რესპირატორული წვეთების საშუალებით გაავრცელოს ინფექცია სხვა პაციენტებზე. მიკრობები ასევე შეიძლება გავრცელდეს დაბინძურებული აღჭურვილობის ზედაპირებთან კონტაქტით, დაბინძურებული ხელებით ან ვენური მიდგომის წერტილებით, როდესაც ინფექციის კონტროლის სათანადო მეთოდები არ გამოიყენება.

• ხელები სუფთა გქონდეთ და ხველის ან ცემინების დროს ცხვირი და პირი დაიფარეთ.
• გაეცანით დიალიზის პროცესს: გაიგეთ, რას უნდა ელოდოთ მკურნალობის დროს და რას აკეთებს სამედიცინო პერსონალი ინფექციებისგან თქვენს დასაცავად.
• დიალიზის დროს დასმული კითხვებისთვის იხილეთ დაავადებათა კონტროლის ცენტრის (CDC) „Speak Up“ ვიდეო.
• ყოველდღიურად შეამოწმეთ თქვენი სისხლძარღვოვანი მიდგომა და აცნობეთ პერსონალს, თუ შეამჩნევთ ინფექციის რომელიმე შემდეგ ნიშანს:
  • სიწითლე
  • ჩირქი ან უჩვეულო გამონადენი
  • შეშუპება
• თუ კათეტერის სახვევი დაბინძურდება ან დასველდება, აცნობეთ პერსონალს.
• ჰკითხეთ პერსონალს, შეგიძლიათ თუ არა მკურნალობისთვის ფისტულის ან ტრანსპლანტატის გამოყენება, თუ გაქვთ ცენტრალური კათეტერი.
• დარწმუნდით, რომ ყველა თანამშრომელმა დაიბანა ხელები თქვენზე ან თქვენი სისხლძარღვოვანი მიდგომის მოვლამდე და მის შემდეგ.

ზოგიერთ შემთხვევაში, შესაძლოა, ინფექციების თავიდან ასაცილებლად დამატებითი ზომების მიღება დაგჭირდეთ. მაგალითად, COVID-19 პანდემიის დროს .

• სისხლის ნაკადის ინფექციები (BSIs), ყველაზე ხშირად გამოწვეულიStaphylococcus aureus- ით (ოქროსფერი სტაფილოკოკი).
  • სტაფილოკოკის ზოგიერთი სახეობა შეიძლება რეზისტენტული იყოს ანტიბიოტიკების მიმართ, მაგალითად, მეტიცილინ-რეზისტენტულიოქროსფერი სტაფილოკოკი (მრსა, MRSA).
• ქრონიკული ვირუსული ინფექციები, როგორიცააB ჰეპატიტი , C ჰეპატიტი და აივ .

ნაწლავებისა და სასუნთქი გზების ინფექციები, როგორიცაა C.diff. (Clostridioides difficile) და გრიპი (Influenza) .

https://www.cdc.gov/dialysis-safety/hcp/clinical-safety/? 

CDC_AAref_Val=https://www.cdc.gov/dialysis/prevention-tools